حسرة في قلبي على ابن بلدي
على الشهيد الي راح
على دمه الي نزف منادي بالحرية
حرام الي جرا ليكوا ياشباب بلدي
كلامنا بقى سهل وعذابنا مش فارق
وهيفرق ليه ماهم اعتادوا علينا صامتين
أعتادوا علينا متحملين القهر والظلم
أعتادوا علينا وحنا ماشيين ولا كإننا شيفين ولا سامعين الفساد
دلوقتي هما مستغربين لأ مصدومين
مهم مش متصورين ان العيال ايوه العيال الي قالوا عليهم عيال
كبروا وعندهم أراده وفي أيديهم قرار
يا حرام ماهم مساكين أيوه وموهمين ماهم لو وعيين
كانوا فاقوا من الغفلة دي من زمان
ماهو لو الضمير حي ماكنش الي جرا كان
إحنا مش ظالمين ولا متهورين
والي قال اننا مندفعين لأ غلطان
هو مش شايف الي بيجرا ولا أيه ؟؟؟
جيين عايزين النقاش بعد ايه
ماحنا طلبنا ده من زمان وكان الرد دائماً
يلا ياعيال ده كلام الكبار
يلا ياعيال ده كلام الكبار
دلوقتي فوقتوا اننا مش عيال واننا اصحاب قرار
لكن بعد ايه خلاص ماعندكمش مجال لا للنقاش
ولا للحوار
ولا للحوار
لأننا فقنا خلاص من زمان
ودلوقتي عايزين منا نقاش
لا ياجماعة دلوقتي العيال كبروا
ومش محتاجين منكم مصاصه ولا بيمبوني
لأننا عايزين السلام عايزين الكرامه والأمان
عايزين حق ضاع من زمان
مش كفايه عليكوا 30 سنه فاتت
ولا لسه طمعانين في 30 سنه كمان
لو فاكرين كده فوقوا خلاص ماهو خلاص راحت ايام زمان
8 التعليقات "Comments":
اشكرك على هذا الموضوع حقيقا هز مشاعري غايتك نبيله وحقيقا صادقه نابعه من الوجدان جميل ان ننظر للحياة هكذا والاجمل انك من كتبتي هذا العبارات دمتي لنا اختا طيبه جميله مليئة بالامل
هذا ماتقوليه يا سارة لكي حق فيه و كلنا مش مبسوطين وانا حزينة كل الحزن علي هولاء الشباب الذي ضحي بحياتهم علشان يعيش غيره من البشر ولكن لن يضيع دم الشباب و لا حقهم و لكن يجب علينا ان ننظر لمصر وان نضع ايدينا في يد بعض ونهض بلبلد ونصل بها الي البر الامان واخيرا وليس اخيرا اقدم عزائي لكل شهيد ولكل اهل شهيد في حبيبتي مصر الغالية حفظ الله مصر وشبعها من كل شر
جزاكم الله خيرا ً ودعونا نعمل جميعاً لرقي بوطننا الحبيب ... وأتمنى منكم دوام المتابعة .
اولا قبل الحديث اقدم عزائي لهولاء الشباب و اهلهم وانا حزينة كل الحزن الشديد عليهم ولكن كما يقال ان لكل معركة لها شهداء و لكن لن يضيع حقهم كفاية انهم شهداء وسجلوا في التاريخ وان مش عارفه اوصف شعور واكيد الناس كتير تكلم في هذا الموضوع و لكن يا سارة انت بجد وحشتيني جدا واخيرا وليس اخيرا انا اطلب من كل شباب ومن كل واحد بيحب مصر يجب ان يحافظ عليها من اعداء وانتي هبرجع امتي ياسارة وسلامات امك وهي كويسة طمنيني في رسالة وانا اميرة صديقتك في الكلية انا انهاردة صباحا كتبت لكي الساعة الثالثة ولكن لم اكتب اسمي
عزيزتي مريم شكراً لمرورك ومعك حق فيما تقوليه ...
شكراً لمتابعتك عزيزتي أميرة ...
شكرا علي ردك عليه بس انا عايزة اعرف ماما عامله ايه و طفل عامله ايه بس انتي وحشاني جدا ان شاء ترجعوا بسلام سلامي علي الاسرة و جدتك عامله ايه
عزيزتي أميرة:-
انا بخير وماما الحمد لله بخير والطفل بنت وهي برده بخير وجدتي الحمد لله بخير
إرسال تعليق