كنت ناوي أرحل يا بلدي

كنت ناوي ارحل يا بلدي كنت ناوي اعيش غريب

كنت ناوي ابعد وقلت عمري ماهرجع

كنت حابب اعيش في غربه اهون من اني اعيش ضعيف

أعيش غريب برا بلدي احسن من اني أعيش وسط أهلي وفي




حضن بلدي واحس اني واحد غريب

كان علي أهون اشوف الظلم في غربتي أهون من اني أعيش في




قهر في حضن بلدي

على الأقل هوهم نفسي  وأقول اصل انا غريب

صعب أنك تعيش مكسور جوه بلدك تعيش مذلول في حضن أمك



أه يا بلدي

صعب تعيش في بلدك وكأنك غريب

صعب أوي انك تبكي في بلدك على حقك

يمكن لو كنت غريب هاوهم نفسي واقول مانا غريب

دا انا ابنك عايش على ترابك من سنين

أول ماتنفست كان هواك عشت هنا أيام كتير وهي حياتي

خلاص كنت هرحل كان نفسي أرحل وابعد واغيب يمكن اشوف



في عينك دمعه عليا

الغلطة مش غلطتك ولا هي غلطتي غلطة ناس مش فاهمه يعني



ايه امانه

مش فاهمه انها  مسؤولة عني وعنك وعن كل مصري

مش فاهمه انها هتحاسب علينا أكيد

أنا عن نفسي مش مسامح ومش هاسمح لان ده كده كثير

حقي وحقك ضاع زمان وصبرنا عليه كتير

لكن انا النهارده فقت خلاص وناوي اقف واحارب



عشان حقي وحقك

حقي اني اعيش بكرامه




 وحقك انك تبقي بلد معروفة بالأمانه

مش هاضيع حقي وحقك تاني

 سامحيني على ضعفي في عمري الي فات




مانا كنت تايه في الأمل

لكني خلاص فقت وهاغير عشاني وعشانك




بحبك بحبك يابلدي